Արսենալի ցուցանիշը 2-րդ վատագույնն է ԱՊԼ-ի վերջին 10 մրցաշրջաններում

«Արսենալը», վերջին 9 տարում, Պրեմիեր լիգան 27-րդ տուրից հետո գլխավորած թիմերի շարքում նվազագույն միավորներն է վաստակել։ Ավելի վատ ցուցանիշ ունի միայն «Լեսթեր Սիթին»։

Լոնդոնյան ակումբը 27 խաղից հետո վաստակել է 58 միավոր։ Երկրորդ տեղում մեկ հանդիպում պակաս անցկացրած «Մանչեսթեր Սիթին» է 53 միավորով։

Վերջին 10 տարիների ընթացքում Պրեմիեր լիգան 27-րդ տուրից հետո գլխավորած թիմերից ոչ մեկը նման ցածր ցուցանիշ չի գրանցել։ Ավելի քիչ միավորներ, նույն հատվածում, ունեցել է միայն «Լեսթեր Սիթին»՝ 2015/16 մրցաշրջանում, երբ թիմը 27 խաղից հետո ուներ 56 միավոր։ Այդ մրցաշրջանում Կլաուդիո Ռանյերիի գլխավորած ակումբը, ի վերջո, հռչակվեց Անգլիայի չեմպիոն։

Հաջորդ տուրում Միկել Արտետայի գլխավորած «Արսենալը» կմրցի «Տոտտենհեմի» հետ։