Ռուի Կոշտան մասնակցել է Ռեալի աշխատակցի հետ վիճաբանությանը

Չեմպիոնների լիգայի անցումային փլեյ-օֆֆի «Բենֆիկա» - «Ռեալ» (0:1) առաջին հանդիպման ավարտից հետո ստադիոնի ներքնամասում ընդհարում է տեղի ունեցել, հայտնում է COPE պարբերականը:

Բախմանը մասնակցել են «Բենֆիկայի» նախագահ Ռուի Կոշտան և «Արքայական ակումբի» ներկայացուցիչը, ով մարզչական շտաբից կամ ֆուտբոլիստներից չի եղել: Կողմերը փոխադարձ վիրավորանքներ են հնչեցրել, իսկ կոնֆլիկտը հանդարտեցրել են միջադեպի ներկաները:

Որպես ընդհարման հնարավոր պատճառ նշվում է «Բենֆիկայի» իտալացի ֆուտբոլիստ Ջանլուկա Պրեստիանիի մասնակցությամբ սկանդալի էմոցիոնալ քննարկումը: Վերջինս Վինիսիուս Ժունիորի կողմից մեղադրվել է ռասիսզմի մեջ: