Ակոպովա-Ռախմանին զույգը 14-րդն է Օլիմպիական խաղերում

Միլանում և Կորտինա դ’Ամպեցոյում ընթացող ձմեռային 2Օլիմպիական խաղերում Հայաստանը ներկայացնող գեղասահորդներ Կարինա Ակոպովա-Նիկիտա Ռախմանին սպորտային զույգը գրավեց 14-րդ հորիզոնականը։

Հայաստանի ներկայացուցիչները ելույթ ունեցան հնդիկ կոմպոզիտոր Ալա Ռահմանի «Միլիոնատերը ետնախորշից» ֆիլմից հայտնի երաժշտության ներքո ու վաստակեցին 114․39 միավոր։ Երեկ կայացած կարճ ծրագրում նրանք, ելույթ ունենալով Արա Գևորգյանի «Արցախ» ստեղծագործության ներքո, վաստակել էին 66,27 միավոր ու հանրագումարային 180,66 միավորով գրավեցին 14-րդ տեղը։

Օլիմպիական խաղերի հաղթող դարձան Ճապոնիան ներկայացնող Ռիկու Միուրա-Ռիուչի Կիհարա զույգը՝ 231,24 միավորով։ 2-րդ տեղում վրացի գեղասահորդներն էին՝ 221,75 միավորով, 3-րդ հորիզոնականը զբաղեցրեցին Գերմանիայի ներկայացուցիչները՝ վաստակած 219,09 միավորով։