Պետք է ապրել այս զգացողությունները, բայց չեմ կարծում, որ հաջորդ խաղում ամեն ինչ հարթ կընթանա․ Մայքլ Քարիկ

«Մանչեսթեր Յունայթեդի» գլխավոր մարզիչ Մայքլ Քարիկի կարծիքով՝ ֆուտբոլային հանդիպումներում չի կարելի հաղթանակներ երաշխավորել։

Ավելի վաղ, մանչեսթերյան ակումբը տարել էր չորրորդ անընդմեջ հաղթանակը՝ 2:0 հաշվով առավելության հասնելով «Տոտենհեմի» նկատմամբ։ Այդ հանդիպումից հետո Քարիկը նշել էր. «Այս չորս հանդիպումները միմյանցից փոքր-ինչ տարբերվում էին և մենք «գլուխներս չենք կորցնում»։ Ես այստեղ չեմ նստում ու մտածում՝ «ամեն ինչ հիանալի է, մենք բացահայտել ենք գաղտնիքը»։

44-ամյա մասնագետին խնդրել են մեկնաբանել իր այս խոսքերը՝

«Պետք է վայելել հաղթանակի զգացումը, քանի որ հենց դրա համար ենք մենք այստեղ։ Չի կարելի մշտապես անտարբեր լինել․ անհրաժեշտ է ապրել այդ զգացողությունները։ Առանց դրա ամեն ինչ մի փոքր ձանձրալի և անիմաստ կլիներ, քանի որ բոլորս էլ ձգտում ենք հաղթանակների։

Ամենաբարդը ըմբռնելն է այն մեծ աշխատանքն ու պատրաստությունը, որոնք մեզ հասցրել են այս արդյունքին։ Այս մակարդակում ֆուտբոլային խաղում հաղթելը շատ բարդ է, ուստի երբեք չպետք է ենթադրել, որ հաջորդ խաղում ամեն ինչ հարթ կընթանա», — նշել է Քարիկը։

Անգլիայի Պրեմիեր լիգայի հաջորդ՝ 26-րդ տուրում «Մանչեսթեր Յունայթեդը» կհյուրընկալվի «Վեստ Հեմին»։