Մատյուխինի գոլը չօգնեց Ալաշկերտին

Թուրքիայում ուսումնամարզական հավաք անցկացնող «Ալաշկերտը» ստուգողական խաղում ուժերն էր չափում ղազախական «Օրդաբասիի» հետ ու զիջեց 1։2 հաշվով։ Երևանյան ակումբի միակ գոլը հեղինակեց Յուրի Մատյուխինը։

Հիշեցնենք, որ հավաքի առաջին խաղում երևանյան ակումբը 2։0 հաշվով հաղթել էր բուլղարական «Դոբրուջային», 2-րդ խաղում 3։0 հաշվով պարտության էր մատնել հյուսիսմակեդոնական «Վարդարին», իսկ 3-րդ խաղում գոլազուրկ ոչ-ոքի էր ավարտել հանդիպումը ղազախական «Կայսարի» հետ։ Այսօրվա առաջին խաղում էլ Վահե Գևորգյանի գլխավորած թիմը 1։3 հաշվով զիջել էր վրացական «Սամգուրալիին»։

«Ալաշկերտն» ընկերական հանդիպումներ կանցկացնի նաև ռուսական «Օրենբուրգի» ու ուզբեկական «Սուրխոնի» հետ։

Երևանյան ակումբի մարզական հավաքը նախատեսված է մինչև փետրվարի 14-ը։