Ցրվենա Զվեզդան ջախջաիչ հաղթանակ տարավ․ Տիկնիզյանը մասնակցեց հանդիպմանը

Սերբիայի առաջնության 22-րդ տուրում «Ցրվենա Զվեզդան» ընդունել էր «Նովի Պազարին» ու ջախջախեց 5։0 հաշվով։

Տանտերերի կազմում աչքի ընկան Օվուսու Դուգլասը (25'), Ալեքսանդր Կատաին (54'), Վասիլիե Կոստովը (58'), Ռոդրիգաոն (72') ու Ջեյն Էնեմը (83')։

Հայաստանի ազգային հավաքականի պաշտպան Նաիր Տիկնիզյանն ընդգրկված էր «Ցրվենա Զվեզդայի» մեկնարկային կազմում ու փոխարինվեց 81-րդ րոպեին։

Այս հաղթանակի շնորհիվ Սերբիայի գործող չեմպիոնը վաստակեց 51 միավոր ու շրջանցեց «Պարտիզանին»՝ ստանալով 1 միավորի առավելություն։

Հաջորդ տուրում Տիկնիզյանն ու թիմակիցները կմրցեն «Ժելեզնիչարի» հետ։