Լեգիան պարտվեց․ Բիչախչյանը մասնակցեց հանդիպմանը

Լեհաստանի առաջնության 19-րդ տուրում «Լեգիան» ընդունել էր «Կորոնային» ու զիջեց 1։2 հաշվով։

Հայաստանի ազգային հավաքականի ֆուտբոլիստ Վահան Բիչախչյանն ընդգրկված էր «Լեգիայի» մեկնարկային կազմում ու փոխարինվեց 83-րդ րոպեին։

Հանդիպման ընթացքում տանտերերը 2 անգամ ստացան 11-մետրանոցի իրավունք, սակայն իրացրին դրանցից միայն մեկը։ 44-րդ րոպեին Միլետա Ռայովիչի հարվածը հետ մղեց մրցակցի դարպասապահը, իսկ 76-րդ րոպեին Բարտոշ Կապուստկան դիպուկ էր։

«Կորոնայից» գոլերն իրենց անվան դիմաց գրանցեց Մարիուշ Ստեպինսկին (23', 90'):

Այս հանդիպումից հետո «Լեգիան» 19 միավորով նախավերջին՝ 17-րդ հորիզոնականում է։