Հայաստանում կարծում են, որ Կրասնոդարը գերի է պահում Սպերցյանին. Մուրադ Մուսաև

«Կրասնոդարի» գլխավոր մարզիչ Մուրադ Մուսաևը խոսել է թիմի կիսապաշտպան և ավագ Էդուարդ Սպերցյանի մասին: Ամռանը հայ կիսապաշտպանը մոտ էր Չեմպիոնշիփի «Սաութհեմփթոն» տեղափոխվելուն։

«Նա չի ցանկանում որևէ տեղ գնալ: Այստեղ ամեն ինչ չափազանցնում են, և շատ են չափազանցնում նաև Հայաստանում: Այնտեղ ասում են... չգիտեմ, ըստ իս՝ կարծում են, որ «Կրասնոդարը» նրան գերի է պահում: Բայց նա երջանիկ մարդ է: Նա ակումբի և քաղաքի իսկական լեգենդ է։

Բոլորը նրան պաշտում են: Եվ նա հիանալի ֆուտբոլ է խաղում: Էդիկն ինքը չի անհանգստանում (այլ ակումբ չտեղափոխվելու համար,- խմբ.)», - ասել է Մուսաևը «It's Football, Brother» YouTube ալիքի նոր թողարկման մեջ: