Սլովանը հաղթանակով ավարտեց ԿԼ-ի հիմնական փուլը, բայց լքեց պայքարը․ Բարսեղյանը մասնակցեց հանդիպմանը

Կոնֆերենցիաների լիգայի հիմնական փուլի վերջին՝ 6-րդ տուրում «Սլովանն» ընդունել էր ֆիննական «Հակենին» ու հաղթեց նվազագույն հաշվով։

Հանդիպման միակ գոլը հեղինակեց Սեզար Բլեքմանը՝ 85-րդ րոպեին։

Հայաստանի ազգային հավաքականի ֆուտբոլիստ Տիգրան Բարսեղյանն ընդգրկված էր տանտերերի մեկնարկային կազմում ու փոխարինվեց 89-րդ րոպեին։

Այս հաղթանակի շնորհիվ «Սլովանը» վաստակում է 6 միավոր ու մրցաշարը եզրափակելով 29-րդ տեղում՝ լքում է հետագա պայքարը։

Հիշեցնենք, որ Բրատիսլավան ներկայացնող ակումբը հիմնական փուլի ևս մեկ հաղթանակ էլ տոնել էր «Ռայո Վալյեկանոյի» դեմ (2։1)․ Մյուս տուրերում Սլովակիայի չեմպիոնը զիջել էր «Շկենդիային» (0։2), «ԿուՊՍին» (1։3), «ԱԶ Ալկմարին» (0։1) և «Ստրասբուրգին» (1։2)․