Դրամատիկ հանդիպում Կոստանցայում․ Ֆարուլը չօգտագործեց հաղթելու փայլուն հնարավորությունը․ Գրիգորյանը դուրս եկավ փոխարինման (տեսանյութ)

Ռումինիայի առաջնության 11-րդ տուրում «Ֆարուլը» ընդունել էր «Ունիերա Սլոբոսիային»։ Հանդիպումն ավարտվեց 1։1 հաշվով։

Հիմնական ժամանակին ավելացրած 4-րդ րոպեին տանտերերը կարող էին հաղթանակ կորզել, եթե Յոնուց Լարիեն դիպուկ իրացներ 11-մետրանոցը, սակայն վերջինիս հարվածը հետ մղեց մրցակցի դարպասապահը։

Հայաստանի ազգային հավաքականի կիսապաշտպան Նարեկ Գրիգորյանը փոխարինման մտավ 80-րդ րոպեին։

Այս հանդիպումից հետո «Ֆարուլը» 15 միավորով 8-րդ տեղում է ու հաջորդ տուրում կմրցի Բուխարեստի «Ռապիդի» հետ։