Տղաները կռվեցին, պայքարեցին ու նվիրված էին․ Որակից գոհ եմ․ Արսեն Հովհաննիսյանը՝ Ուրարտուի դեմ խաղից հետո (տեսանյութ)

Fastex Պրեմիեր լիգայի 8-րդ տուրի «Շիրակ»-«Ուրարտու» (0։1) խաղից հետո Գյումրին ներկայացնող ակումբի գլխավոր մարզիչ Արսեն Հովհաննիսյանը խոսել է խաղի մասին․

«Ընդհանուր երկկողման լավ խաղ էր։ Ընդմիջմանը զգուշացրինք, որ տարրական սխալներ չլինեն, բայց գոլի դրվագում մենք էինք դուրս եկել հակագրոհի ու եթե ճիշտ փոխանցում կատարեինք՝ մենք գոլ կխփեինք, բայց կորցրինք գնդակն ու ընդունեցինք, ինչից հետո ամեն ինչ արեցինք գոլի համար, որը խփեցինք, բայց չեղարկեցին գոլը, քանի որ ՎԱՌ-ով նայեցին ու խախտում տեսան։ Կնայենք՝ կտեսնենք։ Շատ բան չկա ասելու, տղաները կռվեցին, պայքարեցին, նվիրված էին։ Որակն ու աշխատանքը բավարարեցին։ Մի փոքր մեզ չի բավարարում միավոր վերցնելու ու հաղթելու համար, ինչն էլ ժամանակի հարց է»։

Մանրամասն տեսանյութում․