Արման Անդրեասյանը դուրս է եկել ԱԱ-ի քառորդ եզրափակիչ, որտեղ կմրցի ադրբեջանցի ըմբիշի հետ

Խորվաթիայի մայրաքաղաք Զագրեբում այսօր մեկնարկել է ըմբշամարտի աշխարհի առաջնությունը։

Պայքարը սկսել են ազատ ոճի ըմբիշները։

70 կգ քաշային Արման Անդրեասյանը որակավորման փուլում մրցում էր Տաջիկստանը ներկայացնող Վիկտոր Ռասադինի հետ և գոտեմարտի ավարտից 2 վայրկյան առաջ զիջում էր 3։5 հաշվով, սակայն վերջին վայրկյանին հայ ըմբիշը կորզեց հաղթանակ ու 5։5 հաշվով առավելության հասնելով դուրս եկավ 1/8 եզրափակիչ, որտեղ մրցակիցը սերբ Վիկտոր Վոինովիչն էր։

Անդրեասյանը խնդիրներ չունեցավ սերբ ըմբիշի հետ պայքարում ու հաղթելով 4։1 հաշվով՝ դուրս եկավ քառորդ եզրափակիչ, որտեղ կմրցի ադրբեջանցի Քանան Հեյբատովի հետ։ Վերջինս, 15-4 հաշվով հաղթել էր նախ իրանցի, ապա 10:0 հաշվով Բահամյան կղզիները ներկայացնող ըմբիշին։