Արարատ-Արմենիան վերջին վայրկյանին հաղթանակ կորզեց Շիրակի դեմ խաղում

Fastex Պրեմիեր լիգայի 4-րդ տուրում «Շիրակն» ընդունել էր «Արարատ-Արմենիային» ու զիջեց նվազագույն հաշվով։

Հանդիպման միակ գոլը հեղինակեց Արայիկ Էլոյանը՝ հիմնական ժամանակին ավելացրած 9-րդ րոպեին։

Հետաքրքրական է, որ Էլոյանի գոլից 1 րոպե առաջ հաղթելու փայլուն հնարավորություն ուներ Գյումրին ներկայացնող ակումբը, սակայն Ռազմիկ Հակոբյանի հարվածից հետո փայլուն սեյվ կատարեց Բրունո Պինտոն։

Մանուել Տուլիպայի գլխավորած թիմը, որն 2 հանդիպում է անցկացրել առաջնությունում, այս հաղթանակից հետո 4 միավորով 6-րդ տեղում է։

«Շիրակը» 1 միավոր ունի և նախավերջին՝ 9-րդ հորիզոնականում է։

Հիշեցնենք, որ տուրի մյուս խաղերում «Փյունիկը» 2 անպատասխան գնդակ էր ուղարկել «Արարատի» դարպասը, «Ալաշկերտը» նվազագույն հաշվով հաղթել էր «Ուրարտուին», իսկ ԲԿՄԱ-ն ու «Գանձասարը» հաղթողին չէին պարզել։