Հարոյանը խփեց 1-ին գոլը Հունգարիայի առաջնությունում ու ճանաչվեց հանդիպման լավագույն ֆուտբոլիստ (տեսանյութ)

Հունգարիայի առաջնության 3-րդ տուրում «Կազինցբարցիկան» ընդունել էր «Դեբրեցենին» և զիջեց 1։2 հաշվով։

Հայաստանի ազգային հավաքականի նախկին ավագ Վարազդաշտ Հարոյանն ընդգրկված էր «Կազինցբարցիկայի» մեկնարկային կազմում ամբողջ հանդիպմանը։ 32-ամյա պաշտպանն 1-ին կեսին ավելացրած 1-ին րոպեին վերականգնեց հաշվի հավասարությունը։ Տեսանյութը՝ այստեղ։

Հարոյանը նաև ճանաչվել է հանդիպման լավագույն ֆուտբոլիստ՝ ըստ Sofascore կայքի։ Նա արժանացել է 8,1 գնահատականի։

Հիշեցնենք, որ օրեր առաջ Հարոյանը հայտարարել էր Հայաստանի ազգային հավաքականում կարիերան ավարտելու մասին։

3-րդ տուրից հետո Հարոյանի թիմը միավոր չունի ու մրցաշարային աղյուսակի վերջին տեղում է։ Հաջորդ տուրում «Կազինցբարցիկայի» մրցակիցը ԴՎՏԿ-ն է։