Գիտենք Նեմանի ուժեղ ու թույլ կողմերը․ Ժիրայր Մարգարյան

Կոնֆերենցիաների լիգայի որակավորման առաջին փուլի «Ուրարտու»-«Նեման» դիմակայության առաջին խաղից առաջ տեղի է ունեցել թիմի գլխավոր մարզիչ Ռոբերտ Արզումանյանի ու պաշտպան Ժիրայր Մարգարյանի մամուլի ասուլիսը։

Մարգարյանը նշել է, որ նախապատրաստական շրջանը համարում է լավ։ Թիմը կարողացել է ընկերական խաղերով պատրաստվել «Նեմանի» դեմ խաղին։

«Թիմում մթնլորոտը շատ լավ է, տրամադրված ենք հաղթանակի։ Կարևոր էր, որ հաղթեցինք Թբիլիսիի «Դինամոյին», այս խաղից առաջ կարևորը հաղթանակն էր։

Մարզիչը մեզ համար նոր չէ։ Մենք ճանաչում ենք նրան։ Կարելի է ասել, որ նույն մարտավարությունն է, մի քանի բաներ փոփոխված։ Կարևորն այն է, որ մարզիչները սիրում են գնդակով խաղալ ու մենք հարմարվել ենք խաղին։ Կարծում եմ խոչընդոտներ չի լինի։

Դիտել ենք «Նեմանի» խաղերը։ Գիտենք ուժեղ ու թույլ կողմերը։ Ֆիզիկապես պատրաստված թիմ է, բայց մենք չենք վախենում, կոպիտ ասած, ու պատրաստ ենք խաղին։

«Նեմանից» ոչ մեկին չեմ ճանաչում, բայց գիտեմ, որ ունեն լավ ֆուտբոլիստներ։ Կառանձնանցեմ հենակետային ֆուտբոլիստին», - ասել է Մարգարյանը։

Հիշեցնենք, որ «Ուրարտու»-«Նեման» հանդիպումը կկայանա հուլիսի 10-ին «Ուրարտու» մարզադաշտում ու կմեկնարկի 20։30-ին։