Արարատ-Արմենիան մեկ օրում պարտվել է երկու ստուգողական խաղում

Կիպրոսում ուսումնամարզական հավաք անցկացնող Հայաստանի գործող գավաթակիր «Արարատ-Արմենիան» փետրվարի 8-ին երկու ընկերական հանդիպում է անցկացրել և երկու խաղերում էլ պարտություն է կրել։

Վարդան Մինասյանի գլխավորած թիմն առաջին խաղում 1:2 հաշվով զիջել է լիտվական «Կաունո Ժալգիրիսին», իսկ մյուս խաղում 3:4 հաշվով պարտվել է  դանիական «Լյունգբյուին»։

Ֆաստեքս Հայաստանի Պրեմիեր լիգայի գարնանային հատվածից առաջ «Արարատ-Արմենիան» 35 միավորով 4-րդն է ու 5 միավոր է զիջում մեկ խաղ պակաս անցկացրած առաջատար «Նոային»։