Կարեն Նալբանդյանը հրավիրում է Վան-Փյունիկ խաղին

Fastex Հայաստանի Պրեմիեր լիգայի 32-րդ տուրում «Վանը» կընդունի «Փյունիկին»։

Խաղից առաջ «Վանն» իր սոցիալական ցանցերի էջում տեսանյութ է հրապարակել, որում թիմի ավագ Կարեն Նալբանդյանը հրավիրում է հանդիպմանը՝

«Սիրելի երկրպագուներ վաղը կանցկացնենք վերջին տնային հանդիպումը, որտեղ մեր գործընկերոջ հետ կխաղարկենք իմ ստորագրությամբ մարզաշապիկ։ Սպասում ենք բոլորին մարզադաշտում», - ասվում է ուղերձում։

Հիշեցնենք, որ «Վանն» ընթացիկ առաջնությունում 5-րդն է 46 միավորով։ «Փյունիկը» 53 միավորով 4-րդ տեղում է։ Հանդիպումը կկայանա մայիսի 23-ին և կմեկնարկի 16։00-ին։