Ինտերը ոչ-ոքի է խաղացել Լացիոյի հետ և նորից երկրորդն է Ա Սերիայում, Մխիթարյանը մասնակցել է խաղին

Իտալիայի Սերիա A-ի 2024/2025 մրցաշրջանի 37-րդ տուրում «Ինտերը» Միլանի «Սան Սիրո» մարզադաշտում ընդունել է «Լացիոյին» և ոչ-ոքի՝ 2:2 հաշվով ավարտել հանդիպում

Հանդիպման հաշիվը 45+2-րդ րոպեին բացել է տանտերերի պաշտպան Յան Բիսեկը։ 72-րդ րոպեին հյուրերի հարձակվող Պեդրո Ռոդրիգեսը հավասարեցրել է հաշիվը, իսկ 80-րդ րոպեին Դենզել Դամֆրիսն առաջ է մղել  «Ինտերին»։ 90-րդ րոպեին Պեդրո Ռոդրիգեսը դուբլ է ձևակերպել՝ անվրեպ իրացնբելով 11-մետրանոցը:

37 խաղից հետո «Ինտերը» Ա Սերիայի մրցաշարային աղյուսակում զբաղեցնում է երկրորդ տեղը՝ 78 միավորով։
«Լացիոն», նույնքան խաղերից հետո, 65 միավորով վեցերորդ տեղում է։ Իտալիայի 2024/25 մրցաշրջանի առաջնության մրցաշարային աղյուսակը գլխավորում է «Նապոլին», որը 37 խաղից հետո ունի 79 միավոր։

Ա Սերիայի վերջին՝ 38-րդ տուրը կկայանա մայիսի 25-ին: