Արման Ավանեսյանը՝ սամբոյի Եվրոպայի չեմպիոն (տեսանյութ)

Կիպրոսի Լիմասոլ քաղաքում ավարտվեց մեծահասակների սամբոյի Եվրոպայի առաջնությունը։

Հայաստանի ներկայացուցիչ, 98 կգ քաշային Արման Ավանեսյանը եզրափակիչում 9։1 հաշվով հաղթեց խորվաթ Մարիո Դուգանիչին՝ հռչակվելով եվրոպայի չեմպիոն։ Տեսանյութը՝ այստեղ։

Հայաստանն ընդհանուր 6 մեդալ է նվաճել սամբոյի այս առաջնությունում։ Դավիթ Հովսեփյանը (58 կգ, սպորտային սամբո), Համլետ Սուքիասյանը (58 կգ, մարտական սամբո), Մհեր Մերջանյանը (71 կգ, մարտական սամբո), Արթուր Մալխասյանը (79 կգ, մարտական սամբո), Ավետիք Պողոսյանը (88 կգ, մարտական սամբո) նվաճել են բրոնզե մեդալ։

Մեդալային հաշվարկում Հայաստանը զբաղեցրել է 7-րդ հորիզոնականը։ 

Վաղը կմեկնարկի պատանիների ու երիտասարդների եվրոպայի առաջնությունը։