Սլովանը դուրս է մնացել Սլովակիայի գավաթից, Բարսեղյանը վրիպել է հետխաղյա 11-մետրանոցից

Սլովակիայի գավաթի խաղարկության կիսաեզրափակչի պատասխան խաղում «Սլովանը» հյուրընկալվելիս մրցել է Տրնավայի «Սպարտակի» հետ և հետխաղյա 11-մետրանոց հարվածաշարում զիջելով մրցակցին ՝ դուրս է մնացել հետագա պայքարից:

Հանդիպման հիմնական ժամանակն ավարտվել է 2:1 հաշվով՝ հօգուտ «Սպարտակի»: «Սլովանի» միակ գոլը 39-րդ րոպեին խփել է Գուրամ Կաշիան՝  Հայաստանի ազգային հավաքականի ֆուտբոլիստ Տիգրան Բարսեղյանի փայլուն փոխանցումից հետո: Տեսանյութը՝ այստեղ։

Երկխաղյա դիմակայության արդյունքում գրանցվել է ոչ-ոքի՝ 3:3 հաշիվը, և հաղթողը վճռվել է հետխաղային 11-մետրանոց հարվածաշարում:

Այստեղ արդեն «Սպարտակը» 4:2 հաշվով հաղթանակ է տարել և դուրս եկել եզրափակիչ: Հետխաղային 11-մետրանոց հարվածներից մեկն իրացնելու համար գնդակին մոտեցել է նաև Տիգրան Բարսեղյանը, սակայն վրիպել է: