Մովսիսյանը կարծում է, որ Սպերցյանը պատրաստ է խաղալ Անգլիայում
«Կրասնոդարի» և Հայաստանի հավաքականի նախկին հարձակվող Յուրա Մովսիսյանը կարծիք է հայտնել ռուսական ակումբի կիսապաշտպան Էդուարդ Սպերցյանի՝ «Լիդս» հնարավոր տեղափոխության մասին։
«Իհարկե, Սպերցյանը պատրաստ է Անգլիայ տեղափոխությանը։ Այո, Պրեմիեր լիգայում վազքը շատ է, բայց կարևոր է նաև խելացի վազելը։ Սպերցյանն ունի այդ խելքը: Նա այնպիսի դիրքում է խաղում, որ արագ կհարմարվի ու կվարժվի այս տեսակի ֆուտբոլին,- ասել է Մովսիսյանը։
Նրա խոսքով, Սպերցյանն ու «Կրասնոդարը» լավագույն լուծումը կգտնեն երկու կողմերի համար։
«Գալիցկին միշտ ազնիվ ու արդար է եղել իմ հանդեպ։ Նույնն էր մյուս խաղացողների դեպքում: Համոզված եմ, որ նույնը կանի Սպերցյանի պարագայում: Ճիշտ որոշում կլինի, եթե նա տեղափոխվի եվրոպական ակումբ»,- Մովսիսյանի խոսքերն է մեջբերում Metaratings.ru-ն։
Ավելի վաղ Հայաստանի հավաքականի նախկին դարպասապահ Ռոման Բերեզովսկին կարծիք էր հայտնել կիսապաշտպան Էդուարդ Սպերցյանի՝ Միլանի «Ինտեր» հնարավոր տեղափոխության մասին։ Նա դա անվանեց մեծ նորություն:
Սպերցյանն ավելի վաղ խփել է իր քառասուներորդ գոլը «Կրասնոդարի» կազմում՝ գերազանցելով ևս մեկ ակումբային ռեկորդ: «Ֆակելի» դեմ նրա գոլը յոթերորդն էր «Կրասնոդարի» հիմնական թիմում՝ խփված տուգանային ուղիղ հարվածից։ Նախորդ ռեկորդը պատկանում էր Մաուրիսիո Պերեյրայրին (6 գոլ):
