Սպորտային նպաստ՝ Լոս Անջելեսի Օլիմպիական խաղերին նախապատրաստվող մարզիկներին, մարզիչներին և բժիշկներին. նախագիծ
ՀՀ կրթության, գիտության, մշակույթի և սպորտի նախարարությունը հանրային քննարկման է ներկայացրել «Լոս Անջելես 2028» ամառային Оլիմպիական խաղերին նախապատրաստվող մարզիկների, հավաքականների մարզիչների, անձնական մարզիչների, բժիշկների և մերսողների համար սպորտային նպաստ տրամադրելու կարգը:
Նախագիծը մշակվել է՝ հիմնվելով «Ֆիզիկական կուլտուրայի և սպորտի մասին» օրենքի համապատասխան դրույթների վրա:
Առաջարկվում է «Լոս Անջելես 2028» ամառային Օլիմպիական խաղերին լավագույնս նախապատրաստվելու համար սպորտային նպաստը տրամադրել 2026 թվականի հունվարից մինչև Օլիմպիական խաղերի ավարտը՝ 2028 թվականի օգոստոս:
Ծրագրի իրականացման համար կպահանջվի տարեկան շուրջ 292.2 միլիոն դրամ, որը կհատկացվի ՀՀ պետական բյուջեի միջոցներից:
Որոշման ընդունման դեպքում ծրագիրն ուժի մեջ կմտնի 2026 թվականի հունվարի 1-ից:
Նախագծի քննարկումը Իրավական ակտերի նախագծերի հրապարակման միասնական հարթակում կշարունակվի մինչև ապրիլի 18-ը. քաղաքացիները, շահագրգիռ կազմակերպություններն ու կառույցները կարող են ներկայացնել իրենց կարծիքները, դիտողություններն ու առաջարկները:
