Լոկոմոտիվը պարտվեց խոշոր հաշվով․ Տիկնիզյանն ու Սևիկյանը մասնակցեցին հանդիպմանը (տեսանյութ)

Ռուսաստանի Պրեմիեր լիգայի 22-րդ տուրում Սամարայի «Կրիլյա Սովետովը» հյուրընկալել էր Մոսկվայի «Լոկոմոտիվին»։

Տանտերերը դեռ առաջին կեսում 4 անպատասխան գնդակ ուղարկեցին մրցակցի դարպասը, իսկ 2-րդ կեսում թիմերը փոխանակվեցին 1-ական գոլերով։ Այսպիսով, Սամարան ներկայացնող ակումբը հաղթանակից հետո վաստակած 22 միավորով բարելավեց դիրքերը՝ բարձրանալով 10-րդ հորիզոնական։ «Լոկոմոտիվը» 40 միավորով 4-րդն է։

Հայաստանի ազգային հավաքականի ֆուտբոլիստներ Նաիր Տիկնիզյանն ու Էդգար Սևիկյանը նույնպես մասնակցեցին հանդիպմանը։ Տիկնիզյանն ընդգրկված էր հյուրերի մեկնարկային կազմում և փոխարինվեց 2-րդ կեսի մեկնարկում, իսկ Սևիկյանը խաղադաշտ դուրս եկավ 59-րդ րոպեին։