ՀՊԼ 3-րդ տուրը մեկնարկել է Ուրարտուի հաղթանակով

Մեկնարկել է Հայաստանի Պրեմիեր լիգայի 3-րդ տուրը։

«Ուրարտուն» տանը 3։0 հաշվով գերազանցել է «Սյունիքին»՝ գրանցելով առաջին հաղթանակը Հայաստանի Պրեմիեր լիգայի ընթացիկ մրցաշրջանում։

23-րդ րոպեին հաշիվը բացել է Միգել Կարդոսոն։ 2-րդ կեսում երևանյան ակումբից դուբլի հեղինակ է դարձել Բռունո Միշելը։ Նախորդ մրցաշրջանի լավագույն ռմբարկուն հստակ է իրացրել 2 11-մետրանոց։

Ռոբերտ Արզումանյանի գլխավորած թիմը 4 միավորով կիսում է 5-րդ հորիզոնականը «Փյունիկի» հետ։ «Սյունիքը» առանց միավորի եզրափակում է մրցաշարային աղյուսակը։

Հայաստանի Պրեմիեր լիգա, Տուր 3
«Ուրարտու» - «Սյունիք»՝ 3։0
Մրցավար՝ Յուրա Մահտեսյան
Գոլերը՝ Միգել Կարդոսո 23, Բռունո Միշել 84, 90+1