Սպերցյանը գոլի հեղինակ է դարձել Ալ-Ահլիի կազմում իր առաջին պաշտոնական խաղում

Հայաստանի ազգային հավաքականի ավագ Էդուարդ Սպերցյանը հաջող նորամուտ է ունեցել Սաուդյան Արաբիայի Պրո լիգայում՝ «Ալ Ահլիի» կազմում իր առաջին պաշտոնական հանդիպումն ավարտելով խփած գնդակով:

Մրցաշրջանի մեկնարկային տուրում «Ալ Ահլին» հյուրընկալվել է «Ալ Դիրիային» և նվազագույն հաշվով հաղթանակ տարել։ Հանդիպման միակ գնդակը հեղինակել է հենց Ապերցյանը` 25-րդ րոպեին դառնալով գոլի հեղինակ:

Հայ կիսապաշտպանի համար սա «Ալ Ահլիի» կազմում առաջին պաշտոնական խաղն ու առաջին գոլն է։ 

Հատկանշական է, որ Սպերցյանը «Ալ Ահլիի» կազմում գոլի հեղինակ էր դարձել նաև իր առաջին ընկերական հանդիպման ժամանակ։ Հուլիսին կայացած այդ խաղում սաուդյան ակումբը 8։0 հաշվով հաղթել էր ավստրիական «Պինցգաու Զալֆելդենին», իսկ հայ կիսապաշտպանը խփել էր իր թիմի առաջին գոլը:

Հիշեցնենք, որ Հայաստանի հավաքականի ավագը «Ալ Ահլի» է տեղափոխվել «Կրասնոդարից»։