Երկու կարմիր քարտ, 11-մետրանոց. Նոան տանը ոչ-ոքի խաղաց Սիոնի հետ

Կոնֆերենցիաների լիգայի որակավորման 3-րդ փուլի առաջին խաղում «Նոան» այսօր Աբովյանի Վ. Թումասյանի անվան մարզադաշտում ընդունել է շվեյցարական «Սիոնին» և ոչ-ոքի` 2:2 հաշվով ավարտել հանդիպումը:

Հանդիպման հաշիվը խաղի արդեն 5-րդ րոպեին բացել է Հելդեր Ֆերեյրան` անվրեպ իրացնելով 11-մետրանոցը:

13-րդ րոպեին հյուրերի կազմում հաշիվը հավասարեցրել է Բոտելին, բայց 20-րդ րոպեին Գոռ Մանվելյանը նորից առաջ է մղել «Նոային»` եզրափակելով Ֆերեյրայի փոխանցումը` 2:1:

26 րոպեից «Սիոնը» խաղացել է 10 հոգով. Հեֆտին երկրորդ դեղին քարտը ստանալով` հեռացվել է խաղադաշտից:

Երկրորդ կեսի մեկնարկում` 57-րդ րոպեին «Սիոնի» կազմում Իլյաս Չուարեֆը դարձյալ հավասարեցրել է հաշիվը:

65-րդ րոպեից էլ «Նոան» է մնացել 10 հոգով.Մամբոն ուղիղ կարմիր քարտ ստանալով` լքել է խաղադաշտը:

Թիմերի միջև պատասխան խաղը կկայանա օգոստոսի 13-ին Սիոնում: