Մեկնարկել է Հայաստանի Առաջին խմբի առաջնության 2026-27 մրցաշրջանը

Օգոստոսի 3-ին մեկնարկեց Հայաստանի Առաջին խմբի առաջնության 2026-27 մրցաշրջանը։

Առաջին տուրում խոշոր հաշվով հաղթեց ԲԿՄԱ-2-ը։ Երևանյան ակումբը 4 անպատասխան գնդակ ուղարկեց «Լեռնային Արցախի» դարպասը։ Դուբլի հեղինակ դարձավ Գոռ Գրիգորյանը։ Մեկական անգամ աչքի ընկան Արտակ Գալստյանն ու Էրիկ Վուվունիկյանը։

Մեկնարկային տուրում նույն հաշվով հաղթեց նաև «Անդրանիկը»՝ 4։0 «Արարատ-2»-ի դեմ մրցավեճում։ Գեղարքունիքը ներկայացնող ակումբից դուբլով աչքի ընկավ Դավիթ Ղիասյանը։ Գոլեր խփեցին նաև Էրիկ Պետրոսյանն ու Արարատ Չիլինգարյանը։

Առաջին խմբում նորամուտը հաղթանակով նշեց «Օլիմպիան»։ Ռոման Սիմոնյանի թիմը Դենիլսոն Կարվալյո դա Սիլվայի 2 գնդակի շնորհիվ 2։0 հաշվով գերազանցեց «Ուրարտու 2»-ին։ 

Նորամուտը նշեց նաև «Սարդարապատ-2»-ը՝ 1։0 «Շիրակ-2»-ի դեմ խաղում։ 86-րդ րոպեին դիպուկ էր Եսայի Բաղրամյանը։

Հայաստանի Առաջին խումբ, Տուր 1

«Շիրակ-2» - «Սարդարապատ-2»՝ 0։1

«Օլիմպիա» - «Ուրարտու-2»՝ 2։0

ԲԿՄԱ-2 - «Լեռնային Արցախ»՝ 4։0

«Արարատ-2» - «Անդրանիկ»՝ 0։4

«Փյունիկ Ակադեմիա» - «Արարատ-Արմենիա-2»՝ 1։0

«Նոա-2» - «Միկա»՝ 2։3

Առաջին տուրի «Հայք»-«Բենտոնիտ» հանդիպումն էլ հետաձգվել է: Sportmedia.am-ն ավելի վաղ հայտնել էր, որ «Հայքը» կարող է չմասնակցել ընթացիկ առաջնությանը:

Հայքը լուծարման շեմի՞ն․ Ի՞նչ է կատարվում Առաջին խմբի առաջնությունում