Կանանց Եվրոպայի Մ-19 առաջնություն առաջին փուլ. հայտնի են վիճակահանության արդյունքները

Շվեյցարիայի Նիոն քաղաքում կայացել է Կանանց Եվրոպայի Մ-19 առաջնության 2026-27 մրցաշրջանի առաջին փուլի վիճակահանությունը։ Այս մասին հայտնում է ՀՖՖ պաշտոնական կայքը:

Մեր ընտրանին ընդգրկվել է B 2 խմբում, որտեղ մրցակիցներ են Իռլանդիայի, Բուլղարիայի ու Վրաստանի հավաքականները։

A լիգայում 28 հավաքական բաժանվել է 7 խմբի՝ յուրաքանչյուրում 4 թիմ։ Հանդիպումները կանցկացվեն մեկ վայրում՝ մինի-մրցաշարերի ձևաչափով։ Խմբերում 4-րդ տեղ զբաղեցրած 7 թիմ կնահանջի B լիգա։

B լիգայում 24 հավաքական բաժանվել է 6 խմբի՝ յուրաքանչյուրում 4 թիմ։ Հանդիպումները նույնպես կանցկացվեն մեկ վայրում՝ մինի-մրցաշարերի ձևաչափով։ Խմբերի 6 հաղթողները և լավագույն 2-րդ տեղ գրաված թիմը կբարձրանան Ա լիգա՝ 2-րդ փուլին մասնակցելու համար։

Եզրափակիչ փուլը կայանալու է Հունգարիայում։