ՊՍԺ-ն նվազագույն առավելությամբ հաղթեց Բրեստին

Ֆրանսիայի առաջնության նախավերջին՝ 33-րդ տուրում ՊՍԺ-ն ընդունել էր «Բրեստին» և հաղթեց նվազագույն հաշվով։ Հանդիպման միակ գոլը հեղինակեց Դեսիրե Դուեն՝ 82-րդ րոպեին։

Այս հաղթանակի շնորհիվ Լուիս Էնրիկեի գլխավորած թիմը 73 միավորով գլխավորում է Լիգա 1-ի մրցաշարային աղյուսակը՝ ունենալով 6 միավորի առավելություն 2-րդ տեղով ընթացող «Լանսի» նկատմամբ։

ՊՍԺ-ն ու «Լանսը» միմյանց կհանդիպեն մայիսի 13-ին՝ 29-րդ տուրից հետաձգված խաղում, իսկ վերջին՝ 34-րդ տուրում փարիզյան դերբիում Էնրիկեի թիմը կհյուրընկալվի «Փարիզին», «Լանսը»՝ Լիոնի «Օլիմպիկին»։