Ֆլիկը երկու մրցաշրջանում 5 գավաթ է նվաճել Բարսելոնայի հետ

Հանսի Ֆլիկը նվաճեց իր 5-րդ տիտղոսը «Բարսելոնայում» անցկացրած 2 մրցաշրջանի ընթացքում:

Կատալոնացիները հռչակվեցին Իսպանիայի չեմպիոն Լա Լիգայի 35-րդ տուրում Մադրիդի «Ռեալի» նկատմամբ տարած հաղթանակից հետո (2:0)՝ պաշտպանելով տիտղոսը: Գերմանացի մասնագետի գլխավորությամբ «բլաուգրանան» հասցրել է հաղթել նաև Իսպանիայի գավաթը և երկու անգամ նվաճել Սուպերգավաթը:

Հիշեցնենք, որ «Բավարիայում» անցկացրած երկու մրցաշրջանների ընթացքում (2019-2021թթ.) Ֆլիկը նվաճել էր 7 տիտղոս՝ 2 անգամ դառնալով Գերմանիայի չեմպիոն, 1-ական անգամ նվաճելով երկրի գավաթը և Սուպերգավաթը, հաղթելով Չեմպիոնների լիգան, ՈՒԵՖԱ-ի Սուպերգավաթը և աշխարհի ակումբային առաջնությունը: