Հայ ուշուիստները հաղթանակով են մեկնարկել Եվրոպայի առաջնությունում

Հայ ուշուիստները հաղթանակով են մեկնարկել Ֆրանսիայի Լիոն քաղաքում մեկնարկած  ուշուի Եվրոպայի 20-րդ առաջնությունում։

Արտաշես Ավագյանը Ուշուի Հունգար ոճում դարձավ ոսկե մեդալակիր, իսկ Դաոշու (լայն թուր) ոճում՝ արծաթե մեդալակիր։

Սիրանուշ Ավագյանը Ուշուի Չոյ Լի Ֆուտ ոճում դարձել է արծաթե մեդալակիր։

Արտաշես Ալավերդյանը Ուշուի Չոյ Լի Ֆուտ ոճում դարձել է արծաթե մեդալակիր։

Ժիրայր Պետրոսյանը  հաղթել է իտալացի մարզիկին և դարձել ոսկե մեդալակիր։ 

Վազգեն Մուրադյանը  շրջանաձև մրցապայքարում հաղթանակ է տոնել ֆրանսիացի և ռումինացի մարզիկների նկատմամբ և դարձել է ոսկե մեդալակիր։ 

Հիշեցնենք, որ Եվրոպայի առաջնությունում Հայաստանը հանդես է գալիս 29 մարզիկով։  24 մարզիկ հանդես է գալիս Սանդա, իսկ  5-ը՝ Տաոլու մրցաձևում։ Հայաստանն առաջնությունում ունի  նաև 3 մրցավար։ Հայաստանի հավաքականի հետ մրցավայր է մեկնել նաև ֆեդերացիայի նախագահ Ռուստամ Ալավերդյանը։