ՊՍԺ-ն դիմակայությունում հաղթեց Բավարիային ու ՉԼ-ի եզրափակիչում է (տեսանյութ)

Չեմպիոնների լիգայի կիսաեզրափակիչի պատասխան խաղում «Բավարիան» ընդունել էր ՊՍԺ-ին։ Հանդիպումն ավարտվեց 1։1 հաշվով։ Դիմակայության առաջին խաղն ավարտվել էր ֆրանսիական թիմի հաղթանակով՝ 5։4 հաշվով։

Խաղի հաշիվը 3-րդ րոպեին բացեց Ուսման Դեմբելեն։ Տանտերերը պատասխան գոլը խփեցին միայն հիմնական ժամանակին ավելացրած 4-րդ րոպեին։ Աչքի ընկավ Հարի Քեյնը։

Այսպիսով, ՊՍԺ-ն երկրորդ տարին անընդմեջ դուրս եկավ Չեմպիոնների լիգայի եզրափակիչ, որտեղ կմրցի «Արսենալի» հետ։ Վերջինս պայքարից դուրս էր թողել Մադրիդի «Ատլետիկոյին»։

Չեմպիոնների լիգայի եզրափակիչը կկայանա մայիսի 30-ին՝ Բուդապեշտում։