Մոնակոն որոշել է թիմում պահել Անսու Ֆատիին

Անսու Ֆատին մշտական հիմունքներով կմնա «Մոնակոյում»: 23-ամյա վինգերը մոնեգասկյան ակումբում հանդես է գալիս վարձավճարով, իսկ տրանսֆերային իրավունքները պատկանում են «Բարսելոնային»:

Ֆաբրիցիո Ռոմանոյի տեղեկություններով՝ Լիգա 1-ը ներկայացնող ակումբը որոշել է օգտվել խաղացողին 11 միլիոն եվրոյով գնելու իրավունքից: «Մոնակոյին» մնացել է միայն համաձայնության գալ հենց ֆուտբոլիստի հետ:

Կատալոնացիները կարող են ստանալ որոշակի տոկոս Ֆատիի հետագա վաճառքի գումարներից:

Անսու Ֆատին Լիգա 1-ի ընթացիկ մրցաշրջանում «Մոնակոյի» երկրորդ լավագույն ռմբարկուն է. նա անցկացրած 23 խաղում դարձել է 10 գոլի հեղինակ: Ավելի շատ գնդակ խփել է միայն Ֆոլարին Բալոգունը՝ 13: