Ռոբինյոյի որդին փորձում է խզել պայմանագիրը Նեյմարի հետ ծեծկռտուքի պատճառով

«Սանթոսը» դատական ծանուցում է ստացել Ռոբինյոյի որդու ներկայացուցիչների կողմից, ովքեր պնդում են, որ ակումբում բացակայում են անվտանգության նվազագույն պայմանները։

Մայիսի 3-ին «Ռեյ Պելե» մարզաբազայում տեղի ունեցել սկանդալային միջադեպ: Մարզման ժամանակ Ռոբինյո Ժունիորը կոնֆլիկտ է ունեցել Նեյմարի հետ, որն ապտակել է նրան:  

Մայիսի 4-ին բրազիլական ակումբը արտադատական ծանուցում է ստացել Ռոբինյո կրտսերի փաստաբաններից: 18-ամյա պատանին երեք մեղադրանք է ներկայացրել Նեյմարի դեմ և պահանջում է հանդիպում ակումբի ղեկավարության հետ՝ պայմանագիրը խզելու հարցով։

Ռոբինյո կրտսերը մեղադրում է Նեյմարին վիրավորական արտահայտություններ հնչեցնելու, իրեն ուժային հնարքով խոտին տապալելու և ապտակ հասցնելու մեջ։