Ինչ-որ ծանոթ դեմք է. Սպերցյանը պատմել է Օվեչկինի հետ հանդիպման մասին

Հայաստանի ազգային հավաքականի և «Կրասնոդարի» ավագ Էդուարդ Սպերցյանը կիսվել է «Վաշինգտոն Քեփիթալսի» հոկեյիստ Ալեքսանդր Օվեչկինի հետ անձնական ծանոթությունից ստացած տպավորություններով։

— Ձմռանը քո էջում հայտնվեց լուսանկար Օվեչկինի և Հասբուլայի հետ: Պատմիր, թե ինչպես կայացավ այդ հանդիպումը:

— Ես Մախաչկալայից մի տղայի էի ճանաչում։ Մեզ ծանոթացրին, ու մենք հանդիպեցինք։ Հյուրանոցում նստած էինք Հասբուլայի ու մարտիկների հետ, իսկ հետո եկավ Ալեքսանդրը։ Այդպես էլ լուսանկարվեցինք։

— Ի՞նչ տպավորություն ստացար Օվեչկինի հետ շփումից:

— Մի փոքր զրուցեցինք։ Ալեքսանդրին հարցրին՝ արդյոք նա ճանաչո՞ւմ է ինձ։ Նա նայեց ինձ ու ասաց. «Դե, ինչ-որ ծանոթ դեմք է»։ Տղաներից մեկն Օվեչկինին ասաց. «Նա այն տղաներից է, ովքեր «Դինամոյին» զրկեցին չեմպիոնությունից Կրասնոդարում» (ժպտում է):

— Ի՞նչ պատասխանեց Ալեքսանդրը դրան:

— Ծիծաղեցինք, ու վերջ,— ասել է Սպերցյանը «Чемпионат»-ի թղթակից Իլյա Նիկուլնիկովի հետ զրույցում։