Կրասնոդարը հաղթեց Կորդոբայի գոլի շնորհիվ․ Սպերցանը՝ գոլային փոխանցման հեղինակ

Ռուսաստանի Պրեմիեր լիգայի 28-րդ տուրում «Կրասնոդարը» հյուրընկալվել էր «Ակրոնին» ու հաղթեց նվազագույն հաշվով։

Հանդիպման միակ գոլը, Էդուարդ Սպերցյանի փոխանցումից, հեղինակեց Ջոն Կորդոբան՝ 72-րդ րոպեին։

Հայաստանի ազգային հավաքականի ավագը ընդգրկված էր հյուրերի մեկնարկային կազմում և փոխարինվեց հիմնական ժամանակի վերջին րոպեին։

Ազգային ընտրանու մեկ այլ կիսապաշտպան Էդգար Սևիկյանը բացակայում էր «Ակրոնի» հայտացուցակից։

Այս հաղթանակի շնորհիվ «Կրասնոդարը» 63 միավորով գլխավորում է մրցաշարային աղյուսակն ու ունի 1 միավորի առավելություն 2-րդ տեղով ընթացող «Զենիթի» նկատմամբ։ «Ակրոնը» 27 միավորով 12-րդն է։