Մնում է սպասել. Ֆլիկը՝ Օսասունայի նկատմամբ հաղթանակի և հնարավոր չեմպիոնության մասին

«Բարսելոնայի» գլխավոր մարզիչ Հանսի Ֆլիկը խոսել է Լա Լիգայի 34-րդ տուրում «Օսասունայի» նկատմամբ տարած հաղթանակի մասին (2:1):

Կատալոնացիները չեմպիոն կդառնան, եթե այսօր «Ռեալը» միավորներ կորցնի «Էսպանյոլի» դեմ խաղում:

«Ֆուտբոլիստները տոնում են: Ես ուրախ եմ թիմի և ակումբի համար: Հանդիպումը շատ բարդ էր, հատկապես առաջին խաղակեսում: Մենք ուզում էինք հաղթել այստեղ: Խաղավերջում մենք լավ պաշտպանվեցինք:

Առաջին կեսում մենք նույնպես վերահսկում էինք խաղը, բայց երկրորդում դա ավելի լավ ստացվեց: Դե Յոնգի մուտքը պայմանավորված էր Գավիի դեղին քարտով, իսկ Ռեշֆորդը դուրս եկավ խաղադաշտ՝ խաղին արագություն հաղորդելու համար:

Այսօր մենք արեցինք մեր աշխատանքը. դա ամենակարևորն է: Այն, ինչ տեղի կունենա վաղը, արդեն մեր ձեռքերում չէ: Մրցաշարում հաղթանակը միշտ տոնում են՝ լինի դա վաղը, թե հաջորդ շաբաթ: Կտոնենք, երբ դա տեղի ունենա: Հիմա մեզ մնում է միայն սպասել», – ասել է Ֆլիկը DAZN-ի եթերում: