Ուզում եմ արժանին մատուցել Անդրանիկին․ Ռոբերտ Արզումանյան

Հայաստանի գավաթի խաղարկության կիսաեզրափակիչի «Ուրարտու»-«Անդրանիկ» (1:0) պատասխան խաղից հետո «Ուրարտուի» գլխավոր մարզիչ Ռոբերտ Արզումանյանը խոսել է հանդիպման մասին․
 
«Ուզում եմ արժանին մատուցել «Անդրանիկին», երկու հանդիպումներում էլ լավ մրցակցային խաղ գնաց, նրանք ունեինք հնարավորություններ, մենք ունեինք և եզրափակիչում մենք ենք։ Այսքան թիմերից երկու թիմ մնաց, նրանք եզրափակիչում են։ «Նոայի» դեմ հետաքրքիր խաղ է սպասվում, բայց մենք պետք է մեր խաղը, սկսած հենց մյուս խաղից, ավելի լավացնենք և կարևոր խաղ ունենք նաև առաջնությունում։

Շնորհավորում եմ ակումբին, ֆուտբոլիստներին՝ եզրափակիչ հասնելու համար։ Կներդնենք ամեն ինչ, որպեսզի լավ հանդես գանք և հաղթենք եզրափակիչում»,-նշել է Արզումանյանը։

Հիշեցնենք, որ Հայաստանի գավաթի խաղարկության եզրափակիչը կկայանա մայիսի 14-ին՝ Վազգեն Սարգսյանի անվան «Հանրապետական» մարզադաշտում: Մեկնարկը` 19:00-ին: