Արդյունքները խոսում են իրենց մասին. Մագուայերը՝ Մանչեսթեր Յունայթեդում Քերիկի աշխատանքի մասին

«Մանչեսթեր Յունայթեդի» պաշտպան Հարի Մագուայերը խոսել է թիմի գլխավոր մարզիչ Մայքլ Քերիրկի աշխատանքի մասին։ Ապրիլի 27-ին մանչեսթերյան թիմն Անգլիայի Պրեմիեր լիգայի 34-րդ տուրի խաղում 2:1 հաշվով հաղթել է «Բրենթֆորդին»։

«Կարծում եմ՝ ակնհայտ է, որ արդյունքները մեծապես ամրապնդում են վստահությունը Մայքլ Քերիկի նկատմամբ։ Երբ նա նոր էր եկել, մեզ սպասում էին երկու բարդ հանդիպումներ՝ «Արսենալի» և «Մանչեսթեր Սիթիի» դեմ, և կարծում եմ՝ բոլորը նայում էին դրանց ու մտածում՝ «օ՜ ոչ»։ Բայց մենք կարողացանք վաստակել վեց միավոր։

Բոլորը հավատացին դրան, մենք համախմբվեցինք և ձեռք բերեցինք վստահություն։ Մենք գիտենք, որ կարող ենք գոլեր խփել ցանկացած իրավիճակից։ Կարծում եմ՝ այս սխեմայով դեռ շատ բան կարող ենք բարելավել։ Մենք կարող ենք պաշտպանությունում գործել որպես մեկ ամբողջություն և դաշտում շարժվել շատ ավելի արագ՝ այնպես, ինչպես պետք է։

Արդյունքները խոսում են իրենց փոխարեն․ նոր մարզչի գալուց և խաղային սխեմայի փոփոխությունից հետո մենք սկսել ենք հաջողությունների հասնել։ Կարծում եմ՝ նախորդ խաղերում, երբ այստեղ էր Ռուբեն Ամորիմը, շանսերը 50/50 էին, բայց մենք մշտապես պարտվում էինք։

Հիմա, կարծես, ամեն ինչ հակառակն է․ մենք զգալիորեն առաջընթաց ենք գրանցել խաղի երկու կողմերում։ Մենք շատ ավելի վստահ ենք պաշտպանվում մեր դարպասի մոտ և միևնույն ժամանակ սովորել ենք սառնասրտորեն ու արդյունավետ գործել մրցակցի դարպասի մոտ», — Մագուայրի խոսքերն է մեջբերում BBC-ն։

Մայքլ Կեռրիկը գլխավորել է «Մանչեսթեր Յունայթեդը» 2026 թվականի հունվարի 13-ին։ Նրա հետ պայմանագիրը կնքված է մինչև ընթացիկ մրցաշրջանի ավարտը։ Նա փոխարինել է Ռուբեն Ամորիմին, որն ազատվել է աշխատանքից հունվարի 5-ին։

34 տուրից հետո «Մանչեսթեր Յունայթեդը» մրցաշարային աղյուսակում զբաղեցնում է երրորդ հորիզոնականը՝ վաստակելով 61 միավոր։