Բրիստոլ Սիթին Ջերարդին մարզչական աշխատանք է առաջարկում հաջորդ մրցաշրջանում

The Independent-ի փոխանցմամբ՝ «Բրիստոլ Սիթին» փորձում է համոզել «Լիվերպուլի» նախկին խաղացող Սթիվեն Ջերարդին հաջորդ մրցաշրջանում ստանձնել գլխավոր մարզչի պաշտոնը։ Ջերարդը դիտարկում է Անգլիայում մարզչական աշխատանքի վերադառնալու հնարավորությունը։ Նա նաև կապվել է դուրս մնացած «Բըրնլիի» հետ և, ըստ լուրերի, բաց է Չեմպիոնշիփում աշխատելու համար։ 2025 թվականին Սաուդյան Արաբիայի Պրոֆեսիոնալ լիգայի «Ալ-Իթիֆաք»-ը լքելուց հետո Ջերարդն առանց աշխատանքի է։

Ըստ աղբյուրի՝ «Բրիստոլ Սիթին» գրավիչ առաջարկ է ներկայացրել 45-ամյա մարզչին թիմին միանալու համար։ Եթե Ջերարդն ընդունի աշխատանքի առաջարկը, նա կփոխարինի Ռոյ Հոջսոնին, որն այժմ ժամանակավորապես է զբաղեցնում այդ պաշտոնը։ Ըստ լուրերի՝ Ջերարդը ցանկանում է որքան հնարավոր է շուտ սկսել մարզչական աշխատանքը։

«Բրիստոլը» ներկայում Չեմպիոնշիփի մրցաշարային աղյուսակում զբաղեցնում է 13-րդ տեղը և չունի Պրեմիեր լիգա բարձրանալու որևէ հնարավորություն։

Ջերարդը նախկինում մարզել է շոտլանդական «Ռեյնջերսը», անգլիական «Աստոն Վիլլան» և «Ալ-Իթիֆաքը», որը նա լքել է 2025 թվականի հունվարին։