Սա նրա լավագույն խաղերից մեկն էր․ Ալեգրին՝ Լեաուի մասին

Միլանի գլխավոր մարզիչ Մասսիմիլիանո Ալեգրին խոսել է հարձակվող Ռաֆայել Լեաուի խաղի մասին Իտալիայի առաջնության 34-րդ տուրի «Յուվենտուսի» դեմ խաղում (0:0).

«Կարծում եմ՝ Ռաֆան լավ խաղաց, սա նրա այս մրցաշրջանի լավագույն ելույթներից մեկն էր։ Նա իր ներդրումն է ունեցել այս մրցաշրջանում՝ գոլային փոխանցումներ կատարելով և գոլեր խփելով, բայց նման խաղացողից չի կարելի սպասել առանձնահատուկ կայունություն։ Նա երբեք այդպիսին չի եղել, նույնիսկ չորս կամ հինգ տարի առաջ, որովհետև նա «վառվում» է ճիշտ պահին։

Նա օգնեց նաև պաշտպանությունում և  մի քանի արագացում ուներ, որոնց հետ վերջին շրջանում խնդիրներ էր ունեցել ֆիզիկական վիճակի պատճառով։ Նա շրջանցեց Բրեմերին և հետ փոխանցում կատարեց, այնպես որ սա նրա լավագույն խաղերից մեկն էր», — Ալեգրիի խոսքերը փոխանցում է Football Italia-ն՝ հղում անելով DAZN Italia-ին։