Սպերցյանի չիրացրած 11-մետրանոցը չխանգարեց Կրասնոդարին 3 միավոր վաստակել

Ռուսաստանի Պրեմիեր լիգայի 27-րդ տուրում «Կրասնոդարն» ընդունել էր Մախաչկալայի «Դինամոյին» ու հաղթեց 2։1 հաշվով։ 4-րդ րոպեին Դիեգո Կոստան գրավեց սեփական դարպասը։ 29-րդ րոպեին Նիկիտա Կրիվցովը վերականգնեց հաշվի հավասարությունը, իսկ 66-րդ րոպեին Ջոն Կորդոբան հաղթանակ պարգևեց «Կրասնոդարին»։

Հայաստանի ազգային հավաքականի ավագ Էդուարդ Սպերցյանն ընդգրկված էր տանտերերի մեկնարկային կազմում ու փոխարինվեց 82-րդ րոպեին։ 36-րդ րոպեին Սպերցյանի 11-մետրանոց նշակետից կատարած հարվածը դիպավ դարպասաձողին։

Այս հաղթանակից հետո ՌՊԼ-ի գործող հաղթողները 60 միավորով շարունակում են գլխավորել մրցաշարային աղյուսակը։