Հայաստանի Մ17 հավաքականը զիջեց Հունգարիայի հասակակիցներին

Հայաստանի Մ-17 հավաքականն ՈՒԵՖԱ 2025/26 Եվրոպայի Մ-17 առաջնության որակավորման երկրորդ փուլի երկրորդ խաղում այսօր Վ. Սարգսյանի անվան «Հանրապետական» մարզադաշտում ընդունել էր Հունգարիայի իր հասակակիցներին և պարտվեց՝ 1:3 հաշվով:

Հայաստանի հավաքականի միակ գոլը հեղինակեց Արսեն Առաքելյանը՝ 67-րդ րոպեին։

Այս խաղից հետո Ալեքսանդր Պետրոսյանի գլխավորած ընտրանին 1 միավորով խմբի 3-րդ տեղում է։ Առաջին խաղում Հայաստանի Մ17 հավաքականը 2 րոպեում 2 գոլ էր խփել և ոչ-ոքի էր ավարտել Լյուքսեմբուրգի հետ հանդիպումը։

Հիշեցնենք, որ մրցաշարը կտևի ապրիլի 22-ից 28-ը։ Հայաստանի ընտրանին այս խմբում կհանդիպի նաև Լիխտենշտայնին։ Այդ հանդիպումը կկայանա 28-ին: