Մանչեսթեր Սիթին հաղթեց Արսենալին՝ չեմպիոնական լարվածությունը հասցնելով գագաթնակետին (տեսանյութ)

Անգլիայի Պրեմիեր լիգայի 33-րդ տուրում «Մանչեսթեր Սիթին» ընդունել էր «Արսենալին» ու հաղթեց 2։1 հաշվով։

Հանդիպման հաշիվը բացեց Ռայան Շերկին՝ 16-րդ րոպեին։ Ընդամենը 2 րոպե անց Կայ Հավերտցն օգտվեց Ջանլուիջի Դոնարումայի սխալից ու ընդհատելով վերջինիս փոխանցումը՝ վերականգնեց հաշվի հավասարությունը։

65-րդ րոպեին Էրլինգ Հոլանդը հաղթանակ պարգևեց «մանչեսթերյան» ակումբին։

Այս խաղից հետո «Արսենալն» ունի 70 միավոր ու շարունակում է գլխավորել մրցաշարային աղյուսակը, սակայն 1 հանդիպում ավել է անցկացրել 2-րդ տեղով ընթացող «Սիթիից», որն ունի 67 միավոր։

Պրեմիեր լիգայի ավարտին մնացել է 5 տուր։