Ռունի Բարդաջին հայտնվել է եվրոպական թոփ ակումբների ուշադրության կենտրոնում․ Ֆլիկը դեմ է տեղափոխությանը

«Յուվենտուսը» ցանկանում է վարձակալել «Բարսելոնայի» հարձակվողական ոճի կիսապաշտպան Ռունի Բարդաջիին, հայտնում է Mundo Deportivo-ն։

Բացի թուրինյան ակումբից, ֆուտբոլիստի ծառայություններով հետաքրքրված են նաև «Մոնակոն», «Պորտուն» և «Բետիսը»։ Ինքը՝ Բարդաջին, ամռանը կարող է դիտարկել վարձակալության տարբերակը՝ ավելի շատ խաղաժամանակ ստանալու նպատակով։

Այս պահին «Բարսելոնան» մտադիր չէ բաց թողնել խաղացողին նույնիսկ վարձակալությամբ։ Բացի այդ, ֆուտբոլիստի ելույթներից շատ գոհ է «կապտանռնագույնների» գլխավոր մարզիչ Հանսի Ֆլիկը։

Լա Լիգայի ընթացիկ մրցաշրջանում 20-ամյա Բարդաջին 16 խաղում դարձել է 1 գոլի և 1 գոլային փոխանցման հեղինակ։