Ստյոպա Մկրտչյանը կրկին մնացել է Նյուրնբերգի պահեստայինների նստարանին

Գերմանիայի 2-րդ Բունդեսլիգայի 30-րդ տուրում «Նյուրնբերգը» հյուրընկալվել էր «Արմինիային»։ Գրանցվեց 1։1 հաշիվը։

Մոհամեդ Ալի Զոմայի 8-րդ րոպեին խփած գոլին պատասխանեց Թիմ Հանդվերկերը՝ 81-րդ րոպեին։

Հայաստանի ազգային հավաքականի պաշտպան Ստյոպա Մկրտչյանն ընդգրկված էր հյուրերի հայտացուցակում, սակայն խաղաժամանակ չստացավ։ Վերջին անգամ հայ պաշտպանը խաղաժամանակ է ստացել մարտի 14-ին՝ «Հոշտայն Կիլի» դեմ խաղում՝ 11 րոպե։

Ընդհանուր առմամբ, սկսած իր տեղափոխությունից, Մկրտչյանը մասնակցել է «Նյուրնբերգի» 10 խաղից 3-ին՝ խաղադաշտում անցկացնելով ընդհանուր 184 րոպե։

Այս խաղից հետո Միրոսլավ Կլոզեի գլխավորած թիմը 38 միավորով 9-րդն է։