Սիլվան մաշկի խնամքի միջոցներ է գովազդել. Բրունուն, Ֆելիքսը և Դիաշը ծաղրել են նրան

Պորտուգալիայի հավաքականում Բեռնարդու Սիլվայի թիմակիցները կատակներ են գրել կիսապաշտպանի մասին, երբ նա սոցցանցերում գովազդային գրառում է կատարել:

«Մանչեսթեր Սիթիի» ֆուտբոլիստը դարձել է մաշկի խնամքի միջոցների արտադրությամբ զբաղվող ֆրանսիական La Roche-Posay ապրանքանիշի գործընկերը և գովազդ է տեղադրել իր ինստագրամյան էջում:

«Դու երբեք քսուք չես օգտագործել»,- գրառումը մեկնաբանել է Ռուբեն Դիաշը:

«Ահահահահ, դու նույնիսկ դեզոդորանտ չես օգտագործում»,- գրել է Ժոաու Ֆելիքսը:

«Դու նույնիսկ ատամի մածուկ չես օգտագործում»,- արձագանքել է Բրունու Ֆերնանդեշը:

Սիլվան համագործակցում է նաև Adidas-ի, Etihad Airways-ի և EA Sports-ի հետ: