Երկու 11-մետրանոցները վճռեցին Շիրակ-ԲԿՄԱ խաղի ելքը

ՀՊԼ 16-րդ տուրից հետաձգված խաղում Գյումրիի «Շիրակը» սեփական հարկի տակ ընդունել է ԲԿՄԱ-ին և ոչ-քի՝ 1:1 հաշվով է ավարտել հանդիպումը:

Հանդիպման հաշիվը բացվել է 29-րդ րոպեին, երբ ԲԿՄԱ-ի կազմում 11-մետրանոցն անվրեպ է իրացրել Պետիկ Մանուկյանը: Մինչև ընդմիջում՝ 43-րդ րոպեին, 11-մետրանոց իրացնելու հնարավորություն են ստացել նաև գյումրեցիները. այն դիպուկ է իրացրել Ռաֆիկ Միսակյանը:

ԲԿՄԱ-ն և «Շիրակը» հարևաններ են մրցաշարային աղյուսակում: Բանակայինները 21 խաղից հետո 17 միավոր ունեն իրենց ակտիվում և գտնվում են 8-րդ տեղում: «Շիրակը» նույնքան խաղից հետո 12 միավորով 9-րդն Է: