ՉԼ․ Բարսելոնան հաղթեց խաղում՝ պարտվեց դիմակայությունում (տեսանյութ)

Չեմպիոնների լիգայի քառորդ եզրափակիչի պատասխան խաղում «Բարսելոնան» հյուրընկալվել էր Մադրիդի «Ատլետիկոյին» ու հաղթեց 2։1 հաշվով։

Արդեն 4-րդ րոպեին Լամին Յամալը բացեց հանդիպման հաշիվը, իսկ 24-րդ րոպեին Ֆերան Տորեսը խփեց «Բարսելոնայի» 2-րդ գոլը՝ հավասարեցնելով դիմակայության հաշիվը։ 7 րոպե անց Ադեմոլա Լուկմանը կրճատեց հաշվի տարբերությունը։ Այդ գոլի «պատճառով» «Բարսելոնան» հակառեկորդ գրանցեց իսպանական ակումբների շրջանում։

2-րդ կեսի մեկնարկից րոպեներ անց Ֆերան Տորեսը կրկին գրավեց մադրիդյան ակումբի դարպասը, սակայն հանդիպման գլխավոր մրցավար Կլեման Տյուրպենը արձանագրեց խաղից դուրս վիճակ։ 79-րդ րոպեին Էրիկ Գարսիան վերջին հույսի խախտում կատարեց Ալեքսանդր Սյորլոթի նկատմամբ ու ուղիղ կարմիր քարտով հեռացվեց խաղադաշտից՝ կատալոնական ակումբին թողնելով 10 հոգով։

Այսպիսով, Դիեգո Սիմեոնեի գլխավորած թիմը դիմակայությունում հաղթեց 3։2 հաշվով ու նվաճեց կիսաեզրափակիչի ուղեգիր, որտեղ կմրցի «Արսենալ»-«Սպորտինգ» զույգի հաղթողի հետ։ Այդ դիմակայության առաջին խաղն ավարտվել էր լոնդոնյան ակումբի նվազագույն հաշվով հաղթանակով։

Զուգահեռ ընթացող խաղում ՊՍԺ-ն «Էնֆիլդում» 2 անպատասխան գնդակ ուղարկեց «Լիվերպուլի» դարպասը։