Աղբյուր. Սպերցյանը լրջորեն բանակցում է Ա Սերիայի թոփ-5-յակի թիմի հետ

Հայաստանի հավաքականի և Կրասնոդարի կիսապաշտպան Էդուարդ Սպերցյանը լուրջ բանակցություններ է վարում իտալական թիմերից մեկի հետ: Այս մասին հայտնել է Ֆուտբոլային գործակալ Դմիտրի Չելցովը Okko հարթակում: Մասնագետի խոսքով՝ տվյալ թիմն այժմ գտնվում է Ա Սերիայի մրցաշարային աղյուսակի լավագույն հնգյակում։ 

«Սպերցյանը հունիսին կդառնա 26 տարեկան. սա իդեալական տարիք է լուրջ միջազգային հրավերի համար: Ամեն ինչ կախված է «Կրասնոդարի» դիրքորոշումից. եթե ակումբը ստանա բավարար առաջարկ, ինչպես նախկինում դարպասապահ Մատվեյ Սաֆոնովի դեպքում էր, տրանսֆերը կդառնա իրականություն»,- ասել է Չելցովն ու ավելացրել՝ Սպերցյանի ապագան մեծապես կախված կլինի «Ցուլերի»՝ գործարքն իրականացնելու  պատրաստակամությունից, ինչպես նաև իտալական թիմի՝ նոր մրցաշրջանի համար կիսապաշտպանությունն ամրապնդելու համառությունից։

Ընթացիկ մրցաշրջանում Սպերցյանը 33 պաշտոնական խաղերում խփել է 12 գոլ և կատարել 16 գոլային փոխանցում: